Që prej orës 7:00 të mëngjesit të kësaj të marte ka filluar greva në pikat e kalimit Greqi-Shqipëri, e cila do të zgjasë 48 orë.

Qarkullimi i mjeteve për hyrje- dalje në vendin fqinj është bllokuar dhe bëhet me dije se vetëm personat që e kalojnë kufirin në këmbë do të lejohen dhe ata që kanë emergjenca shëndetësore.

“Makinat nuk na i lanë. Edhe në këmbë bëmë llafe por më pas na lanë. Makinat i lamë matanë”, është shprehur një qytetar.

Bëhet me dije se pikat doganore do të fillojnë aktivitetin e zakonshëm mëngjesin e 4 prillit.