Në Elbasan i thonë “kumlla Shijoni” ndërsa në vendet e tjera njihen si kumbulla shahine, kumbullat jeshile që lajmërojnë pranverën zyrtare, prandaj edhe kjo pjatë është më përfaqësuesja ndër pjatat pranverore. Ka aroma të freskëta të erëzave, shijen e athët të kumbullave dhe pamje ftuese për të gjithë! E gjithë pranvera në një pjatë…

 

Përbërësit për 4-5 veta:

- Mish qingji ose keci

- 3-4 tufa qepë të njoma

- 3-4 tufa kopër

- 1 tufë majdanoz

- Pak nenexhik të njomë

- 15-20 kokrra kumbulla jeshile të papjekura

- Vaj ulliri 10 lugë

- Gjysmë filxhani kafje oriz

- Piper

- Spec i kuq

- Kripë

 

Pergatitja:

 

Qepët priten në copa të vogla me gjithë bishta, vendosen në tenxhere me vaj ullri, mishin dhe kaurdisen deri sa qepa të zbutet. I hedhim ujë në mënyrë që të mbulohet mishi, kripë piper spec dhe e lëmë të ziejë për 30 minuta. Pasi i shtojmë kumbullat, orizin, koprën dhe erëzat e tjera, e lëmë të ziejnë bashkë për 20 minuta. Pasi zihet, e hedhim gjellën në një tavë bakri ose balte dhe e vendosim në furrë për t’u pjekur deri sa të dali yndyra në siperfaqe e të piqet.