Aktori i njohur irlandez Pierce Brosnan ndau një moment të veçantë me gruan e tij Keely Shaye Brosnan këtë javë, pasi festuan 23 vjetorin e martesës.

“Gëzuar 23 vjetorin e dashur Keely, vajza ime e bukur me sy kafe, veriu im, jugu im, lindja dhe perëndimi im”, shkroi ylli i “James Bond” krahas postimit, i cili përfshinte një kolazh fotosh të të dyve gjatë viteve.

Po ashtu edhe Keely Shaye Brosnan ndau një postim në Instagram, duke përfshirë tre foto të çiftit me veshjet e tyre në ditën e dasmës.

"4 gusht 2001, Kështjella Ashford, County Mayo, Irlandë. Ti je njeriu më i mirë, më i dashur dhe më i butë që kam njohur ndonjëherë", ka shkruar ajo.

Pierce Brosnan dhe Keely Shaye Brosnan, u martuan në Irlandë më 4 gusht të vitit 2001.