Plotë stil dhe kreativitet, Erba vetëm 17 vjeç e lindur dhe rritur në qytetin e bukur të Pogradecit, duket se i premton shumë botës së modës.

Që e vogël e rritur me dëshirën për të përvetësuar të bukurën, Erba angazhohej me stilime dhe kombinime shumëngjyrëshe, duke u parë nga bashkëmoshatarët por jo vetëm, me shumë kërshëri. E rritur me idenë se veshja është një nga gjërat më parësore për vajzat dhe gratë, e frymëzoi stilisten e ardhshme të ndajë punët krijuese edhe me ndjekësit e saj në rrjete sociale.

E nisi me “style_by_erba”, por jo me qëllime të mëdha për t’u bërë e njohur apo e famshme siç shprehet ajo: “Më pëlqen e bukura dhe të vishem me stil, duke kombinuar ngjyra të ndryshme. Mendoj se veshja te femra është gjëja më parësore që përfaqëson karakterin dhe thjeshtësinë”.

“Rrugëtimin e nisa në moshën 14 vjeçare. Hapa faqen e instagramit “style_by_erba”, jo me qëllimin për t’u bërë e famshme apo të kisha sa më shumë views. Synimi ishte të kisha një platformë për t’i treguar botës punët e mia”, shprehet Erba për LIVING.

"Nuk e reklamoj veten time shumë, sepse dua që vëmendjen ta marrin punët e mia. Dizajnet janë vlerësuar nga shumë stiliste të njohura shqiptare, italiane, amerikane si Rezarta Skifteri, Frida Beja, Elisabetta Franchi, Liastublla etj”, përfundoi 17 vjeçarja.

395f9dab b4d0 46b1 86c3 12327d88e587

66e1f0b6 3286 4acb 810a 498554e8f0cd

f06aae5a c26a 498c 8ff5 e81312e4681d