Biznesmeni dhe ish-banori i Big Brother, Arbër Çepani ka bërë një tjetër reagim prekës pas ndarjes nga jeta të kunatit të tij, ish-deputetit të PD Gerti Bogdani.

Ndër të tjera Arbëri i premton se do të kujdeset gjithmonë për Edlirën dhe dy fëmijët, deri sa të ketë jetë.

Ja çfarë i shkruan ai:

Eh mor Gert, mor shoku im… A pe, nga aty ku je, sa mijra njerëz të përcollën sot? A pe që kishin ardhur nga e gjithë Shqipëria, Kosova, Maqedonia, Europa dhe bota për ty? A e pe sa shumë njerëz të donin o shoku im? Të donim të gjithë sepse ti jepje gjithmonë më shumë se sa merrje… Të gjithë thoshim sa herë kishim ndonjë hall “kemi Gertin”, “të pyesim Gertin”, “na e zgjidh Gerti”… Për të gjithë ne, ishe një mal mbështetjeje o shoku im… e akoma se besojmë dot, që ky mal na u shkërmoq para duarve kaq papritur, e nuk bëmë dot asgjë… Ti për motrën time ishe gjithçka, e unë kurrë s’kam parë dy njerëz të duhen kaq shumë sa ju të dy… Na kpute shpirtin Gert… Ti ishe heroi i përditshëm i Ajrës dhe Reinartit… Unë s’të premtoj dot që do të të zëvëndësoj o Gert… por do të mbroj dhe do kujdesem për Edlirën, Ajrën dhe Reinartin deri sa të kem frymën e fundit o shoku im i mirë! Ta premtoj me jetën time këtë!