Pak ditë më parë Lana Del Rey dhe Jeremy Dufrene shkëmbyen unazat e martesës në një ceremoni jo me shumë të ftuar, ku dhanë dhe betimet për njëri- tjetrin.

Kelli Welsh, ish e fejuara e Jeremy Dufrene ka thyer heshtjen përmes një deklarate ku shprehet se e ka marrë marrë lajmin shumë vonë për martesën e çiftit. 45-vjeçarja ka folur për Daily Mail dhe ka treguar se për martesën e Jeremy-t me këngëtaren e ka marrë vesh vetëm pasi ka parë fotot nga dasma në media.

Duke ndarë reagimin e saj të parë për fotot e dasmës, Kelli tha se ishte në “shok” se sa shpejt ata u martuan.

“Jam në shok sepse ne ishim të fejuar për 12 vite… dhe ai u martua pas një muaji”, tha ajo. “Por unë jam e lumtur për të. Ai është një njeri shumë mbrojtës, punëtor, burrëror. Ai duhej të dilte nga zona e tij e rehatisë. Ai ishte mësuar me jetën dhe të qenit jashtë në moçal. Ai e meriton këtë bekim.”