Këngëtarja Britney Spears për pak sa nuk ka shkaktuar lëndime në trupin e saj. Në tentativë për të ndezur oxhakun, Britney-t i janë djegur flokët dhe qerpikët.

Këtë e zbuloi vetë artistja përmes një fotoje të shpërndarë në instastory ku tregon gjendjen e saj jo fort të mirë në pamje.

Ajo ka thënë se ndezjen e oxhakut zakonisht ua lë rojeve të sigurisë, por këtë herë e ka provuar vetë. Këngëtarja ka thënë më tej se do të shkonte në urgjencë pasi kishte shumë dhimbje në fytyrë. “Më dhemb të prek telefonin në fytyrë, më dhemb të vendos akull”, u shpreh Spears.

Pas rreth gjashtë deri në shtatë orë, këngëtarja vendosi të merrte tre qetësues dhe të flinte.

“Gjithçka është në rregull tani. Gjëra të tilla ndodhin”, përfundoi ajo.