Në kuadër të zbatimit për të tretin vit me radhë të fushatës së financuar nga BE “Peach Flavors Balkans,” do të zhvillohet një event i veçantë B2B gjatë të cilit do të ketë prezantim produkti dhe një shfaqje live me gatime të ndryshme nga shefi i kuzhines se Tirana Marriott Hotel, Abi Cani. Eventi do të zhvillohet ditën e enjte, më 7 nëntor 2024, në orën 17:30, në Sallën e Foyer Hall I, Kati i 3-të, “Tirana Marriott Hotel” (Sheshi Italia, Tiranë 1001) në qytetin e bukur të Tiranës.

Gjatë eventit, pjesëmarrësit do të kenë mundësinë të informohen nga nutricionistja me përvojë të gjatë, Znj. Viktoria Naco, mbi vlerat e jashtëzakonshme ushqyese të pjeshkëve të konservuara evropiane nga Greqia, ndërsa përfaqësuesit e bizneseve pjesëmarrëse do të prezantojnë detaje mbi mënyrën se si prodhohen ato. Paralelisht, pjesëmarrësit do të shijojnë pjata të krijuara enkas, që kanë për përbërës bazë pjeshkët e konservuara evropiane nga Greqia, dhe do të zbulojnë shijen e tyre të mrekullueshme, freskinë dhe aromën.

Pjeshkët e konservuara evropiane nga Greqia janë të famshme në të gjithë botën për shijen e tyre të këndshme dhe freskinë e jashtëzakonshme, pasi ato përpunohen dhe standardizohen sipas kritereve më të rrepta të cilësisë dhe sigurisë ushqimore, menjëherë pas vjeljes.

Fushata e financuar nga BE “Peach Flavors West Balkans” synon të promovojë pjeshkët e konservuara evropiane nga Greqia te konsumatorët në Bosnjë dhe Hercegovinë, Shqipëri, Serbi, Mal të Zi dhe Maqedoninë e Veriut, si dhe të rrisë ndërgjegjësimin dhe konsumin e tyre.