Bota e dizajnit të shtëpisë po ndryshon vazhdimisht dhe viti i ri duket se nuk do të jetë ndryshe. Në shumë mënyra, viti 2024 ishte një kohë paradoksesh, të paktën kur bëhej fjalë për ambientet e brendshme – Japandi (bashkim i stilit japonez me atë skandinav) ishte më i preferuari, por gjithashtu kishte ngjyra dhe fantazi.

Pra nga sa u tha, ka disa tema që po përforcohen dhe që mund të themi me siguri se do të jenë popullore në vitin 2025. Në një artikull të Martha Steward, janë marrë këshilla nga interior dizajnerë me përvojë për të pasur një pamje të plotë të asaj që do të jetë trend vitin tjetër—nga detajet artistike deri tek ngjyrat e tokës.

Dizajn sipas personalitetit tonë

Shtëpitë tona janë një pasqyrë e vetes sonë—ose të paktën e mënyrës si jetojmë. Kjo ka qenë gjithmonë e vërtetë, por vitin e ardhshëm ky koncept do të shkojë edhe më tej. Trendi më i madh për vitin tjetër është se njerëzit duan të shtojnë personalitet në shtëpitë e tyre. Njerëzit duan një narrativë konceptuale të vetën. Ata duan të krijojnë dhe të tregojnë historinë e tyre—qoftë kjo kulturë, histori, apo tradita."

Ky trend është veçanërisht i dukshëm në një brez të ri që është më i zgjuar në mediat sociale. Veçanërisht me Gjeneratën Z, ka një fokus në gjërat që janë me cilësi të mirë. Duhet të ketë një histori dhe duhet të jetë e punuar me dorë - diçka me kuptime personale.

Në të vërtetë, në një botë dixhitale të mbushur me personalitete influencuese të perfeksionuara dhe imazhe tepër të shkëlqyera, origjinaliteti dhe një markë personale përfaqësuese bëhen parësore.

Arti jo vetëm në mure

Në ditët e sotme, duket sikur të gjithë po koleksionojnë diçka, qofshin ato monedha, ora xhepi apo mobilje. Arti është një kategori tjetër që zakonisht është në krye të listës së koleksionistëve - por është një zhanër në zhvillim.

Shumë e mendojnë artin si një pikturë që mund të varet në murin e galerisë ose një skulpturë e vogël që mund të montohet në një piedestal. Gjithnjë e më shumë, megjithatë, arti po ndryshon brenda kontekstit të dizajnit të brendshëm. Diçka që ne po shohim janë ndriçuesit, ose dritat e shtëpisë - ato po bëhen super skulpturore dhe interesante.Janë pjesë funksionale, por janë edhe art.

Dhoma e ngrënies, jo vetëm për të ngrënë

Dhomat e ngrënies janë një pjesë thelbësore e shtëpisë, veçanërisht gjatë një sezoni festash kur presim edhe njerëz. Ato gjithashtu janë një hapësirë që do të rishikohet pak në vitin e ri, me disa ndryshime të synuara për të rritur shumëfunksionalitetin e saj. "Po fillojmë të integrojmë tavolina të shumta për shtëpi më të mëdha," thotë interior dizajnerja Andrea Goldman. "Kur janë të ndara, ato janë më të përshtatshme për fëmijët, ku integrohen dhe lojëra, në vend që të ulen të gjithë në një tavolinë të gjatë.

“Dhomat e ngrënies po kalojnë një moment madhor dhe është bukur të shohësh njerëz që me të vërtetë investojnë në to përsëri”, thotë dizajnerja Annie Doëning. "Njerëzit po mendojnë realisht për t'i bërë këto hapësira të ndjehen si zemra e shtëpisë."

Ngjyrosja e Plotë e Dhomave

Ngjyrosja e plotë e dhomave nuk po largohet. Ky trend, i cili i referohet pikturimit të një dhome të tërë me ngjyrën e njëjtë—duke përfshirë tavanin, drurin dhe dekorimet e tjera, u shfaq për herë të parë në vitin 2023, por këtë vit mori një hov me një degëzim të njohur si "ngjyrosja me dy ngjyra". Rregullat janë të njëjta për këtë të fundit, por në këtë rast, një dhomë pikturohet plotësisht me dy ngjyra të ndryshme, në vend të një të vetme.

Këndet komode

Më në fund, një trend i dizajnit të brendshëm që të gjithë mund ta duan. Brenda shtëpisë vjen një dëshirë për hapësira më komode dhe më të ngrohta. "Të gjitha projektet tona tani kanë një 'dhomë komode' ose një vend 'komod' brenda një hapësire më të madhe," thotë një dizajnere.

Disa qasje të zakonshme për pamjen komode përfshijnë këndet e leximit ose divanet e buta e të fryra dhe karriget e pritjes në të cilat mund të uleni pas një dite të gjatë. "2025 ka të bëjë me përqafimin e bukurisë komode por ka një lëvizje drejt hapësirave që ndihen të kuruara me kalimin e kohës."

Tonet e Tokës

Nëse i doni ngjyrat por nuk jeni për një të kuqe të ndezur ose një jeshile neoni, atëherë jeni me fat, sepse tonet më delikate të tokës do të jenë kudo vitin e ardhshëm. "Dizajnet në trend do të jenë në ngjyra, por jo të theksuara - ngjyra tqë po pëlqehen është ajo e tokës ose ngjyrat natyrale.

Kjo paletë është një opsion veçanërisht e mirë në zonat që kanë për qëllim të sjellin qetësi, si dhoma e gjumit ose banjo. Njerëzit duan që hapësirat e tyre të ndihen intime dhe bazike dhe këto ngjyra janë perfekte./Living

arredim interior dizajner shqiperi shtepite arkitekt ngjyrat ne mode 2025

eisen 04copy ecd5e4eb9840420ab641a25fc826a345

kettle cove home tour dining room gallery wall 1219 26462e80f72b432197316f18c677ef04

ms dopamine decor plstudiointeriors web 7 521e038c926d4053a25072672f1bc098

image1 e786273e7624410994df57664d01fba7

egoden fe42c99ecde447468eec2da2e0576078

bradramseyinteriors youngrogus credit zekeruelas 57fe4777c5fe436cbeed0c0a3c46b65b