Ditën e djeshme, Artan Dulaku, CEO i Concord Investment, mori pjesë në një forum të organizuar nga Universiteti Polis, ku ndau përvojat dhe strategjitë që e kanë udhëhequr drejt suksesit në sipërmarrje. Në këtë aktivitet, ai diskutoi mbi sfidat dhe mundësitë në industrinë shqiptare, duke shërbyer si shembull frymëzimi për studentët që duan të zgjedhin rrugën e sipërmarrjes dhe investimeve në tregun shqiptar.

 “Ne kemi mbi 2500 punonjës dhe realizojmë një xhiro vjetore prej 250 milionë eurosh,” tha Dulaku. “Duke filluar në vitin 1990, kemi arritur të ndërtojmë një grup biznesi të fuqishëm që përfshin prodhimin e 500-600 mijë m³ inertesh betoni dhe ndërtimin e mbi 1 milion m² vitin e kaluar”, shtoi Ceo I Concord Investment para auditorit të të rinjve.

Ky mesazh i u prit me entuziazëm nga studentët e Arkitekturës dhe Menaxhimit të Biznesit, të cilët e shihnin si një model për suksesin e tyre të ardhshëm, duke përvetësuar edhe disa sekrete biznesi të një lideri të suksesshëm.

Artan Dulaku: Nga Fillimet Modeste tek Suksesi i Madh

Gjatë forumit, Artan Dulaku ndau edhe momentet e para të rrugëtimit të tij në botën e sipërmarrjes. Duke parë veten në entuziazmin e të rinjve, Dulaku tregoi se rrugëtimi i tij nisi në vitet ’90, vite në të cilat të bërit biznes në Shqipëri nuk ishin edhe aq të lehta.

“Filluam në vitet ‘90 duke plotësuar nevojat e tregut vendas me importe të domosdoshme. Suksesi nuk vjen nga sekretet, por nga puna e vazhdueshme dhe përshtatja me kërkesat e tregut,” u shpreh Artan Dulaku.

Në vetëm tre vite, kompania e tij arriti xhiron e 1 milionë eurove, duke shërbyer si shembull i zhvillimit ekonomik gradual.

Artan Dulaku, Lideri që Ndërtoi Concord Investment

Në fokus të forumit ishte vizioni dhe përkushtimi i Artan Dulakut, i cili me transformimin që ka bërë përmes Concord Investment e ka shndërruar në një nga grupet më të fuqishme në Shqipëri. Historia e tij mbetet frymëzim për të gjithë ata që ëndërrojnë të arrijnë majat e suksesit në botën e biznesit.

artan dulaku concord investment universiteti polis studentet shqiptare

1

photo 2024 12 04 17 01 06 3

photo 2024 12 04 17 01 06

photo 2024 12 04 17 01 06 1