Iphone nga viti në vit sjell risi, por këtë herë jo vetëm lehtësira apo më shumë akses në përdorim, por do të ketë edhe ndikim për shëndetin.

Thuhet se Iphon-i i ardhshëm do të arrijë të monitorojë edhe shëndetin e syve, duke na treguar nëse do të kemi nevojë për syze apo jo. Apple ka regjistruar një patentë që sugjeron përdorimin e sensorëve ose kamerave të iPhone për të matur largësinë mes telefonit dhe syve të përdoruesit, dhe për të identifikuar nëse është e nevojshme të bëhet një vizitë tek okulisti.

Pajisja mund të ofrojë gjithashtu mundësi për të përshtatur automatikisht madhësinë e shkrimit dhe cilësimet e ekranit për të reduktuar lodhjen e syve.