Set fotografik 49 metra thellë nën ujë, modelja dhe fotografi shënojnë rekordin Guinness

Një fotograf dhe një modele shënuan rekord botëror Guinness me ndihmën e një eksperti zhytjeje, duke realizuar një set fotografik në një thellësi prej 49 metra nën ujë në brigjet e Floridës.

Kanadezët Steven Haining dhe Ciara Antoski, me ndihmën e ekspertit amerikan të zhytjes dhe sigurisë, Wayne Fryman, fillimisht vendosën rekordin për fotosesionin më të thellë nën ujë, në një thellësi prej 21 metrash në 2021.

Haining dhe Antoski më pas iu nënshtruan muajve të trajnimit teknik dhe praktikave të dekompresimit, në mënyrë që të mund të thyenin rekordin e tyre me një sesion fotografik në brigjet e Boca Raton.

Haining shkrepi foto ndërsa Antoski shërbeu si modele në një thellësi prej 49 metrash, duke mposhtur titullin e tyre të mëparshëm.