Irak legalizon martesat e vajzave në moshën 9 vjeçare

Autoritetet irakiane kanë legalizuar martesat e vajzave që në moshën 9 vjeçare. Grupet e të drejtave të grave kanë reaguar me ankth ndaj miratimit të një ligji të tillë, pasi e konsiderojnë atë si një rregull që do të lejojë përdhunimin e fëmijëve të tyre.

Sipas ligjit të ri, i cili u miratua dje, më 21 janar, autoritetet fetare kanë fuqinë të vendosin për çështjet familjare, duke përfshirë martesën, divorcin dhe kujdestarinë e fëmijëve.

Ligji i ri shfuqizon atë të miratuar në vitin 1950 për ndalimin e martesave tek personat nën 18 vjeç.

"Kemi arritur fundin e të drejtave të grave dhe fundin e të drejtave të fëmijëve në Irak,"-tha avokati Mohammed Juma, një nga kundërshtarët më të ashpër të ligjit.

Martesa e fëmijëve është një çështje delikate që prek shumë Irakun, ku 28 përqind e vajzave janë martuar para moshës 18 vjeç.

Kjo sipas të dhënave të një sondazhi të Organizatës së Kombeve të Bashkuara, e publikuar në vitin 2023. Në vend që të ndryshohen ligjet kundër martesave të fëmijëve, ligji i ri e lejon, por sipas një tradite islame që përfshin një kontratë martese. Për myslimanët, të cilët përbëjnë shumicën në Irak, mosha minimale e martesës për vajzat do të jetë 9 vjeç, ndërsa për sunitët, mosha zyrtare do të jetë 15 vjeç.