Modelet më të bukura të flokëve për nuset e 2025-ës – frymëzime romantike, detaje klasike, minimaliste dhe unike

Me shumë gjasa, nuset e pranverës dhe verës 2025 e kanë zgjedhur tashmë fustanin e tyre të ëndrrave. Tani ka ardhur momenti për të menduar për modelin e flokëve, që duhet të harmonizohet jo vetëm me fustanin, por edhe me personalitetin e tyre. Frymëzimet vijnë nga Bridal Fashion Week në New York dhe Barcelonë, si dhe nga rrjetet sociale, ku ekspertët e fushës ndajnë krijimet e tyre më të bukura.

Në një botë mode dhe bukurie ku koncepti i "trendeve" po i lë vendin gjithnjë e më shumë stilit personal, edhe modelet e flokëve për nuset ndjekin të njëjtën logjikë. Kështu, tendencat e vitit 2025 përfshijnë stile të ndryshme që i përshtaten personaliteteve të ndryshme, me theks të veçantë tek fjongot e mëndafshta, topuzët e pastër dhe minimal që fshihen nën vellon me detaje lulesh, si dhe flokët e lëshuar që e vendosin fytyrën në qendër të vëmendjes, për ato që duan një prekje natyrale në një pamje që mbetet gjithsesi magjepsëse.

1- Flokë gjysmë të kapura me volum në rrënjë

Një model klasik dhe elegant që nuk del kurrë nga moda, kapja e vetëm gjysmë së flokëve vjen këtë vit me një "frymë" të re: flokët ngrihen me volum që nga rrënjët dhe lidhen në pjesën e pasme të kokës, duke krijuar një efekt të butë dhe natyral. Është ideal për flokë të gjatë dhe mesatarë.

2 – Fjongo dhe shirita mëndafshi

Në sfilatat e Giambattista Valli në Bridal Week Barcelona 2024, një element i veçantë ishte shiriti i mëndafshtë që kornizon fytyrën dhe lidhet me një fjongo në pjesën e pasme të kokës. Kjo është një ide perfekte për një pamje boho-chic.

Fjongot janë një nga trendet më të mëdha për flokët e nuseve në 2025, të personalizueshme sipas stilit të secilës, qoftë në një version romantik apo elegant.

3 – Aksesorë flokësh që duken si bizhuteri

Për të shtuar një prekje shkëlqimi tek një fustan minimalist ose për ta bërë pamjen më të sofistikuar, pasarelat e modës së nuseve sugjerojnë përdorimin e aksesorëve të flokëve që duken si bizhuteri. Këto detaje elegante i japin një dimension të ri modeleve klasike si topuzi i ulët me ndarje në mes.

Një trend i ri këtë vit janë aksesorët që mbulojnë veshët, duke sjellë një ndjesi të frymëzuar nga baleti Liqeni i Mjellmave.

4 – Flokë të lëshuar (për të mos ndryshuar veten)

Flokët e drejtuar, të vendosur pas veshëve për të nxjerrë në pah lëkurën e pastër dhe delikate, janë një zgjedhje “normale”, por aspak e zakonshme për një nuse. Ky model është perfekt për ato që duan të ndihen vetvetja në ditën e tyre të madhe, për ato që kanë zgjedhur një fustan me linja të pastra dhe të strukturuara, dhe për ato që kërkojnë një prekje moderne në look-un e tyre.

5 – Mes gërshetit dhe bishtit të kapur

Gërshetat janë një mënyrë e shkëlqyer për të eksperimentuar me kreativitetin, duke dhënë gjithmonë një rezultat elegant. Në 2025, një opsion i ri dhe unik është kombinimi mes një gërshete romantike dhe një bishti të butë të kapur.

6 – Topuzi “clean & sleek”

Topuzi është zgjidhja perfekte për fustanet me shpinë të hapur, prerje sirene ose ato me stil princeshe. Në pranverë, ky model vjen në një version të pastër, elegant dhe minimalist – një zgjedhje që nuk zhgënjen kurrë./Living

snapinstapp 470899565 18351113230130580 530813077741901004 n 1080

snapinstapp 470945133 18479179045034676 4515368330040187404 n 1080

snapinstapp 471501175 17966858456821891 2826586985847262448 n 1080

ghnhgpng

gnhgnpng

nfnpng

gettyimages 2149303587 1

snapinstapp 473372464 18477269494037364 6260354682400909387 n 1080

ipiccy image 2

gettyimages 2149143214

gettyimages 2149189811

gettyimages 2149119835

gettyimages 2149362198

gettyimages 2138997187

gettyimages 2149227961

gettyimages 2149189722

gettyimages 2149227036 1