Shqipëria është një ndër vendet që gjithnjë është përfolur për zhvillimin turistik dhe numrin e lartë të turistëve që hyjnë në çdo sezon. Madje viti 2023 sipas të dhënave zyrtare shënoi një rekord hyrjesh në vendin tonë.

Kryeministri Edi Rama përmes një postimi në Instagram ka bërë me dije se Barometri i Organizatës botërore të Turizmit ka publikuar se Shqipëria ishte destinacioni me performancën më të mirë në Europë për vitin 2023. Me një natyrë gjithëpërfshirëse, territori shqiptar është një destinacion kurjozues me dëshirën për ta zbuluar në çdo cep të tij.

"Nga ato lajme që ta mbushin zemrën
Barometri i Organizatës Botërore të Turizmit ka publikuar se Shqipëria ishte destinacioni me performancën më të mirë në Europë për vitin 2023 përsa i takon rritjes së flukseve turistike
Rezultat shumë domethënës i një përpjekjeje të gjithanshme, i cili shënon nivelin e ri ku është ngjitur Shqipëria në sytë e botës dhe po ashtu tregon drejtësinë e politikave tona zhvillimore në rrugën drejt majës së", shkruan Rama.