Vjeshta e freskët, tashmë i ka lënë zyrtarisht vendin ditëve të ftohta të dimrit në vendin tonë. Sot parashikohet mot me diell dhe me vranësira të pakta, kalimtare, por me temperatura të ulëta.

Sipas Shërbimit Meteorologjik Ushtarak, temperaturat minimale do të luhaten nga -2 deri në 7 gradë C. Ndërsa temperaturat maksimale parashikohen nga 6-9 gradë C në veri. Në zonat e ulëta dhe pranë bregdetit temperaturat do të luhaten nga 14-16 gradë Celsius.

Ndërkohë si pasojë e këtyre temperaturave disa zona në veri, po ashtu dhe disa zona në Korçë si fshati turistik Dardhë, janë zbardhur gjatë natës nga dëbora.