Një pjesë e fansave të Angelina Jolie nuk mbetën të impresionuar nga kopertina e saj e fundit e Vogue Mexico, duke pretenduar se aktorja dukej ‘e trishtuar’ në të.

Aktorja zbukuroi kopertinën e numrit të dhjetorit të revistës, ku foli për çlirimin e ‘dhimbjes së saj personale’, teksa u aludua se ato deklarata i referoheshin përjetimit për ndarjen e saj nga ish-bashkëshorti Brad Pitt, 60 vjeç.

Jolie u nda nga Brad pas një incidenti të diskutueshëm në një avion në vitin 2016. Në intervistën e saj ajo diskutoi se si e përdori rolin e saj të ardhshëm si këngëtarja e operës Maria Callas në një biografi të re për të përballuar dhimbjen.

Kopertina –  nga fotografi Dan Martensen – shfaqte Jolie me një fustan të zi të Christian Dior, shprehjen e saj të zymtë dhe flokët  brune duke krijuar një imazh melankolik.

Fansat u shfaqën në internet për të goditur kopertinën ‘e pakëndshme’, me një shkrim, ‘Ajo duket shumë e trishtuar këtu, sikur mori lajmin më të keq të mundshëm pak para se të dilte në xhirime’. “Kjo është një foto mjaft e pakëndshme e Angelina Jolie. Jo këndi i saj më i mirë”, shtoi një përdorues.

Në intervistën e saj, Angelina foli për rolin e saj të fundit dhe shpjegoi se si opera e bëri atë të vizitonte ‘pjesët më të thella të vetes’ dhe jetës, ndërsa mësoi të ‘hynte në një pjesë të re të vetes’ për të kënduar.