Një tjetër eksperiencë magjike do të nis për udhëtarët duke filluar nga data 27 janar 2024. Anija më e madhe e lundrimit në botë, e quajtur "Icon of the Seas" do të dhurojë spektakël pas dy muajsh.

Ajo do të lërë pas "Wonder of the Seas" e cila është një tjetër anije lundrimi mbretërore e Karaibeve që aktualisht mban titullin e anijes më të madhe në botë.

Sipas La Republica, "Icon of the Seas" është 5 herë më e madhe se Titaniku, ka 18 kuvertë pasagjerësh, shtatë pishina dhe më shumë se 40 restorante dhe bare në bord. Anija mund të strehojë 5,610 të ftuar në bord.