Armokromia është një temë që po thellon kureshtjen e njerëzve çdo ditë e më shumë. Pak e njohin, por shqiptarët duke qenë se cilëson një popull në progres sa i përket të veshurit mirë dhe me stil, po thellohen akoma më shumë për të ditur më tepër rreth saj.

Esmeralda Zoto, me profesion kuratore imazhi, ishte e ftuar në podcastin e radhës të Fashion Guru’s, ku foli mbi armokrominë, sa e rëndësishme është ajo për të ditur ngjyrat që na shkojnë dhe sa vlen për të na ndihmuar të bëjmë blerje të zgjuara.

E pyetur nga moderatorja e podcastit Santana Çomora se si qëndron lidhja mes Kryeministrit dhe stilit të tij, ajo u shpreh se: “Dua të them se maja e piramidës për një konsultë imazhi është stili dhe stili rrëzon edhe armokrominë. Thyen çdo gjë. Kështu që unë mendoj që Kryeministrin e kemi në stil”, u shpreh Esmeralda Zoto.

Ndërsa e pyetur për figurat e ekranit, konkretisht Grida Dumën, nëse e ka gjetur paletën e vet, Esmeralda tha: “Znj Grida Duma unë mendoj se ka ndryshuar katërcipërisht, sepse e kemi parë si ajo politikania, .etj, por natyrshëm kur lidhesh pak me tema sociale automatikisht tërhiqesh edhe më shumë nga masa e gjerë. Znj Grida mendoj që veç profesionit ka bërë dhe lidhjen me imazhin, duke u hedhur në një sektor tjetër, ja kërkon pak më shumë vëmendja. Le të themi që e ka gjetur paletën e saj, por mua nuk më lejohet profesionalisht të them nëse është në paletën e saj korrekte apo jo”.