Rosalynn Carter, ish-Zonja e Parë e SHBA-së, gruaja e ish-presidentit Jimmy Carter, ka ndërruar jetë në moshën 96-vjeçare.

Njoftimin zyrtar e bëri qendra Carter, e cila konfirmoi në një deklaratë se Rosalynn në momentet e fundit të jetës kishte pranë familjen e saj.

Sipas mediave të huaja, u bë me dije se ajo kishte hyrë në një shtëpi kujdesi në shtetin e Georgias dhe po kalonte kohë me bashkëshortin 99-vjeçar, i cili ka qenë në atë qendër që nga muaji shkurt.

Ish-Zonja e Parë, Carter u diagnostikua me demencë në maj dhe gjendja e saj sa vinte dhe përkeqësohej.

Çifti në muajin korrik festuan 77 vjetorin e martësës, një martesë e gjatë në qendër të vëmendjes mediatike, plotë sfida si dhe suksese.

Me një dashuri si ajo e fillimit, Jimmy kur flet për bashkëshorten e tij, tashmë të ndjerë nuk harron pa përmenduar barazinë që secili prej tyre ka pasur në jetën bashkëshortore.

“Rosalynn ishte partnerja ime e barabartë në gjithçka. Ajo gjithmonë me udhëzonte dhe ndihmonte për çdo gjë që kisha nevojë. Për sa kohë Rosalynn ishte në këtë botë unë e dija se dikush më donte dhe më mbështeste”, u shpreh ish- Presidenti.

Ish- Zonja e Parë lindi më 18 gusht 1927 dhe u martua me ish- Presidentin më 7 korrik të vitit 1946. Nga dashuria e tyre ata sollën në jetë 4 fëmijë, të cilët ndër vite e gëzuan çiftin me plot 11 nipër e mbesa dhe 14 stërnipër/mbesa.

jimmy carter 2 2000 6a0acc47e1804b019b4eb37479f7dd1e

bnjhpng

131767716 e6af3eadc67f0547ffec37c449d0017a6d9e670ajpg