Producenti i famshëm Quincy Jones, është ndarë nga jeta në moshën 91-vjeçare.

Lajmin e ka bërë të ditur familja e tij: “Sonte, me zemra të plota, por të thyera, duhet të ndajmë lajmin për vdekjen e babait dhe vëllait tonë Quincy Jones”, tha familja në një deklaratë.

Në karrierën e tij të gjatë, Jones ka bashkëpunuar me të gjithë, nga Frank Sinatra tek Michael Jackson dhe Will Smith. Sipas përfaqësuesit të tij, Quincy Jones vdiq të dielën mbrëma në shtëpinë e tij në zonën Bel Air të Los Anxhelosit, i rrethuar nga familja e tij.

“Dhe ndërsa kjo është një humbje e pabesueshme për familjen tonë, ne festojmë jetën e mrekullueshme që ai jetoi dhe e dimë se nuk do të ketë kurrë një tjetër si ai”.

Më i njohur për albumet Off the Wall, Thriller dhe Bad të Michael Jackson, Jones ka prodhuar hite me Sinatra, Aretha Franklin, Donna Summer dhe shumë të tjerë.