Një tjetër dashuri troket në jetën e Stefi Priftit, këngëtari i njohur bëhet gjysh për herë të parë

Stefi Prifti duket se po përjeton ditë mjaft të lumtura në jetën e tij, duke vënë paksa karrierën në plan të dytë, edhe pse koncertet dhe eventet për të dhe Endrin nuk mungojnë. Muajt e fundit ai ka ndarë lajme mjaft të bukura. Pak javë më parë zbuloi se ka gjetur sërish dashurinë, duke mos zbuluar identitetin e partneres, por duke konfirmuar se tashmë po përjeton një romancë, ndërsa sot ka bërë me dije se ka përjetuar një prej emocioneve më të bukura të jetës. 

Nëpërmjet një postimi në Instagram, Stefi zbulon se është bërë gjysh për herë të parë. Dashuria më e re në jetën e tij quhet Zyan. Artisti shkruan se ka provuar mjaft emocione në jetë, nisur që nga pranimi në Akademinë e Arteve, deri te suksesi në muzikë, dashuria, martesa dhe ardhja në jetë e vajzave, të gjitha ngjarje që kanë lënë shenjë tek ai, por marrja e "statusit" të gjyshit për të duket se është dicka vërtetë speciale.