Marka gjermane Miele, një ndër më prestigjozet në mbarë botën në fushën e pajisjeve elektroshtëpiake, tashmë vjen edhe me një Qendër Eksperience në Tiranë e cila u inagurua mbrëmjen e së enjtes, ku të pranishëm ishin partnerë të kësaj marke, profesionistë të fushës, si dhe personazhe të njohur të ekranit.

Miele pozicionohet si lider në fushën e prodhimit të pajisjeve elektroshtëpiake, në dy sektorët thelbësorë të përditshmërisë, kuzhinës dhe lavanderisë. Për Miele, konsumatori dhe mirëqënia e tij është gjithmonë fokusi kryesor, dhe një frymëzim i vazhdueshëm për çdo risi të sjellë në treg.

Kompania Electromagic, e cila prej plot 18 vitesh është distributori i parë zyrtar i kësaj marke në Shqipëri, festoi inagurimin e Qendrës së parë të Eksperiencës Miele me një event i cili përcolli gjithë magjinë dhe cilësinë që vetë Miele ofron. Por pse quhet një Qendër Eksperience dhe jo thjesht një showroom pajisjesh elektroshtëpiake? Sepse çdo pajisje e ekspozuar në këtë showroom është aktive dhe “gati për t’u provuar” nga klienti. Demonstrimet e përdorimit të pajisjeve nga përfaqësueset e shitjeve, apo aroma e biskotave të ngrohta që Chef-i i kuzhinës Miele përgatit, e bëjnë përzgjedhjen dhe investimin në pajisjet elektroshtëpiake një eksperiencë ndryshe, që vetëm Miele e ofron.

Miele është fjala e fundit e teknologjisë dhe inovacionit, e përveçse të sigurojë cilësinë për pajisje që zgjasin në gjenerata, ndër dekada është kujdesur edhe për komoditetin e rehatinë e klientëve të saj duke sjellë fjalën e fundit të teknologjisë në pajisje të cilat lehtësojnë çdo proces në shtëpi e jo vetëm. Një tjetër atribut i kësaj marke është kujdesi dhe vëmendja e veçantë dedikuar mbrojtjes së mjedisit, ndaj në krijimin e secilës pajisje i jepet rëndësi kursimit të energjisë elektrike apo ujit, pa e reduktuar performancën e pakonkurrueshme të tyre.

Pajisjet Miele dallohen për tipare inovative në programet që përmbajnë, performancë të shkëlqyer dhe lehtësi e fleksibilitet në përdorim. Dëshironi që rrobat tuaja të qëndrojnë të reja më gjatë? Kaloni në Miele Experience Center, aty do të gjeni lavatriçet të cilat falë kazanit me sipërfaqe të brendshme në formën e hojeve të bletës, veçori e cila është patentë e Miele, do jetë aleati më i mirë i veshjeve tuaja.

Për të vijuar me furrat me dizjan të pastër dhe veçori inovative, me sensorë elektronikë për kontroll të saktë të temperaturës që sigurojnë rezultatet optimale të gatimit, por dhe plot funksione të tjera të posaçme për fermentimin e kosit, apo tharjen e perimeve e zarzavateve, të cilat deri më sot i kemi bëre në mënyrën tradicionale e nuk na e ka marrë mendja se mund t’i bëjë një furrë.

Gjithë gamën e plotë të pajisjeve Miele, si lavatriçet, tharëset e rrobave, hekurat e rrobave, fshesat me korent, frigoriferët, pianurat, e aspiratorët, mund t’i gjeni e eksploroni në Qendrën e parë të Eksperiencës Miele, në rrugën Sulejman Delvina, pranë shkollës Vasil Shanto.

Dhe mos harroni, cilësia është gjithnjë kursim!

Miele Experience Center, zyrtarisht nga Electromagic.

5png

4png

2png

1png

6png