Një ngjarje e rëndë u raportua mbrëmjen e kaluar në Ballsh, ku një 63 vjeçar, i identifikuar si Petrit Jaupaj, i dha fund jetës tragjikisht. Mësuesi i bio-kimisë në shkollën 9-vjeçare “5 shkurti”  piu fotoksinë pranë varrit të të shoqes që ishte ndarë nga jeta rreth një vit më parë, për shkak të një sëmundjeje të pashërueshme.

Vdekja e gruas e ka tronditur thellë shpirtin e mësuesit, i cili i dedikonte vazhdimisht vargje dhe thënie asaj.

Në një postim në Facebook, Jaupaj shkruante: “7 Marsi i parë pa ty Tasha. Nuk ishe në shtëpi të bëheshe gati si më parë. Tani kjo festë nuk do të jetë më si 39 vitet e shkuara kur ne festonim dhe uronim njëri-tjetrin. Po 8-Marsi, Tasha? Do të jetë hera e parë që vajzat tona nuk do të urojnë. Sa dhimbje na ka shkaktuar ikja jote. Por ti do jesh si flutur në zemrat tona!"