Princ Harry e ka shpërfillur totalisht gruan e tij Meghan Markle në fjalimin mbyllës të Lojrave Invictus 2023 në Dusseldorf të Gjermanisë.

Duka i Sussex-it, i cili mbushi 39 vjeç javën e kaluar nuk e përmendi gruan e tij në fjalim pavarësisht se spekulohej që ai do ta përmendte në një mënyrë të ëmbël, por në fakt ndodhi e kundërta. Ai bëri nderim vetëm për veteranët që morën pjesë në lojëra.

Në fjalën e tij, Duka tha: "Siç e keni parë dhe përjetuar, kjo javë është shumë më tepër se një ngjarje sportive. Është një platformë për ndryshime pozitive. Shpresojmë që edhe ju ta ndjeni thellë. Jam i sigurt se ju jeni të gjithë të rraskapitur fizikisht, por shpresoj që të jeni mendërisht më të fortë se kur mbërritët në fillim".

Por disa ekspertë që analizuan ndjesitë dhe gjuhën e trupit të Princ Harryt thanë se ai ka pasur emocione shumë të forta saqë në një moment është parë edhe të përlotej dhe sipas tyre kjo mund të ketë qenë arsyeja që nuk e ka përmendur Meghan.