Portonovi është një nga resortet më luksoze në Ballkan, mes gjelbërimit të harlisur, ujërave të ngrohtë e të bruztë të Adriatikut, i vendosur në Gjirin Boka, aty ku pushuesit e turistët kthehen gjithmonë. Nëse natyrshëm lind pyetja përse njerëzit krijojnë një lidhje më të veçantë me një vend pushimesh, përgjigjja është sa e thjeshtë aq dhe e komplikuar. Portonovi nuk është thjesht një resort, një vend pushimi, por është një filozofi, një stil jetese, që njerëzit duan ta përqafojnë.

Çdo aspekt në këtë fshat që gëlon nga jeta dhe gjallëria është shqyrtuar me kujdes, nga suitat dhe vilat e bukura deri tek përvojat e kulinarisë dhe mirëqenies, duke përcjellë më së miri stilin e jetës mesdhetare. Portonovi është gjithçka që ju nevojitet për të shijuar mënyrën sublime të jetesës mesdhetare dhe të merrni më të mirën nga jeta. E këtë gjë e tregon mësë miri periudha kur stinët ndërrohen. Ndonëse për pak ditë i japim lamtumirën verës, e shumë vende turistike, mbyllin dyert për t'u përgatitur për sezonin e ardhshëm, Portonovi jo vetëm që nuk e bën këtë të fundit, por i nënshtrohet një metamorfoze, "ripërtërihet" për sezonin e vjeshtës që është po aq i pasur dhe mikpritës për turistët .

Portonovi ka gjithmonë eksperienca unike të pakoha për të ofruar. Larg streseve të jetës moderne, çdo ditë në Portonovi duket se zgjat disi më gjatë, dhe çdo moment është i mbushur me përvoja dhe aventura të paharrueshme. Nëse do i hidhnit një sy kalendarit vetëm të një jave të këtij resorti, e sigurtë që shumë prej jush do të donin të shpërnguleshin përgjithmonë, në këtë fshat të vogël që ka gjithçka për t'ju ofruar.

Përjetoni relaksimin dhe përtëritjen fizike dhe shpirtërore në seancat magjepsëse të jogës nën perëndimin e diellit në Portonovi. Çdo të mërkurë dhe të diel, duke filluar nga ora 19:30, gjithëkush mund të relaksohet dhe të gjejë paqen e brendshme në një atmosferë të qetë. Këto seanca transformuese, që janë më shumë një eksperiencë rigjallëruese që ushqen trupin dhe mendjen ofrojnë një arratisje të lumtur dhe takim me vetveten.

Gjithashtu, edicioni i Librave Komik (Hercegnovski Strip Festival – HSF) do të mbahet për herë të 17-të në shumë vende në Herceg Novi nga 1 deri më 6 shtator 2023. Festivali ka një traditë të suksesshme gjashtëmbëdhjetëvjeçare dhe njihet si një nga shfaqjet më prestigjioze të artit të nëntë në Evropë.
E hëna, 4 shtatori është e rezervuar për programin në Portonovi, ku vizitorët do të kenë mundësinë të vizitojnë koleksionin e pasur të komikeve, të marrin vizatime falas nga yjet e librave komikë ndërkombëtarë, vizatime në bluza dhe të shijojnë programin e shkëlqyer muzikor. Më shumë se 60 autorë me famë botërore dhe yje të mëdhenj të librave komik do të jenë pjesë e edicionit të 17-të të festivalit në Herceg Novi.

Ne i ftojmë të gjithë aventurierët dhe ta pasionuarit pas këtyre librave të mblidhen dhe bëhen pjesë e magjisë.
Orkestra Simfonike Malazeze, do të luajë meloditë më të bukura nga Disney World, dhe do t'ju çojë në një udhëtim simfonik përmes këngëve magjike më të famshme. Sheshi Marina në Portonovi do të shndërrohet në një skenë magjepsëse ku do të marrin jetë meloditë e përrallave tuaja të preferuara Disney.

Më 7 shtator, në sheshin Marina në Portonovi, çdokush do të ndihet më nostaligjik se kurrë duke kujtuar këngët që kanë shënjuar fëmijërinë tonë.
Në bashkëpunim me Herceg Novi Triathlon Club, Portonovi Aquathlon do të mbahet për herë të dytë të dielën, më 10 shtator. Aquathlon është një ngjarje sportive-rekreative me dy disiplina sportive, notin dhe vrapin. Në vetëm kaq pak ditë dhe programi i pasur na nxit të jemi banorë të Portonovit. E nëse do të vazhdonim me javët në vazhdim, ky artikull s'do të përfundonte kurrë ndaj ndiqni në rrjetet sociale, Portonovin për t'u frymëzuar nga një stil jetese më të bukur.

Adresa juaj e re epushimeve, por jo vetëm....

aa3da752 7912 4177 947b 80a6c4b8c126

be4c8ed2 8538 4fa4 85f3 bf99926721c1

a6bc43e6 fc57 4f24 ba2c 4c189c582890