Pelegrinazhi i përvitshëm në malin e Tomorit bashkon mijëra besimtarë bektashinj, ja cilat janë ritet kryesore që duhet të ndiqni

Si çdo vit, nga data 20 deri në datën 25 gusht, mali i Tomorrit shndërrohet në shtëpinë e mijërave pelegrinëve bektashinj nga e gjithë Shqipëria, por edhe Diaspora. Sipas traditës, besimtarët e shumtë pasi mbërrijnë në pikën më të lartë të tij ngrenë çadrat në këtë vend të shenjtë dhe  therin kurbanë. Një tjetër veçori tjetër e festës është edhe lyerja e ballit të pelegrinit me gjakun e kurbanit). Më pas mishi i qengjit ''të sakrifikuar'' në emër të Abaz Aliut piqet në hell dhe ndahet ndërmjet pelegrinëve. Ritualet vazhdojnë me vizitën në teqenë e Kulmakut, ku besimtarë ndezin qirinj dhe luten.

Teqeja e Kulmakut është ndërtuar për herë të parë rreth viteve 1908, nga besimtarë vendas. Ishte një dervishije me dy dhoma me mur guri poshtë Çukës së Tomorit ose Qafa e rrugës për Abaz Ali. Në pranverën e vitit 1914, andartët grekë bënë reprezalje në drejtim të objekteve të kultit bektashianë, duke djegur e shkatërruar dhjetëra teqe në jug. Këtyre reprezaljeve nuk u shpëtoi dot as dervishija, e cila u shkatërrua nga themelet.

E ringriti dhe e themeloi teqenë e re më poshtë dervishijes (1908) në Kulmak, dervish Iliazi në vitin 1916. Ndërtimi i saj i plotë me dy kate i ngjante një kështjelle. Teqeja u ndërtua në shërbim të tyrbes së Abaz Aliut, flamurtarit të Qerbelasë. 

tomorr mountain tyrbe on top of the peak mapillary dbzvxixzi1dyb0zevqmozq

thumbs b c 4edd60d14110e652a1023a6c666d0ea4