Fundim Gjepali: Si e shpika pjatën që vlerësuan kritikët e kuzhinës italiane

Që në moshë farë të vogël, shefit të kuzhinës “Antico Arco”, në Romë, Fundim Gjipalit, i është besuar një prej restoranteve më të mira kryeqytetit Italian. Nuk është rastësi fakti që emri i tij tashmë gjendet në krah të emrave më të njohur të gastronomisë italiane. Para pak ditësh, Gjepali është vlerësuar më një çmim tjetër nga kritikët e kuzhinës Italiane. Në eventin e organizuar nga “Toruring Club Italiano”, Fundim Gjepali, është vlerësuar për pjatën e mishit që shërbeu në restorantin e tij “Antico Arco”, ndër më të njohurit dhe më të suksesshmit në Romë.

Sekretet e pjatës fituese; "pjata më e mirë e mishit" 
Recetën, tashmë pjatë “Autori”, e kam shpikur para 2 vitesh dhe është mjaft e pëlqyer nga klientët e “Antico Arco” të Romës. Është ‘Tartari i viçit’ me foie gras të tymosura dhe me kërpudha të stinës. Është vlerësuar teknika dhe bashkimi i disa produkteve bashkë, siç janë mishi i viçit, foie gras, kërpudhat, kaperi, qepujka, speci djegës dhe veza. Bashkimi dhe delikatesa e pjatës është vlerësuar nga inspektorët e Guidës Touring Club Italiano ku kanë provuar restorantet me të rëndësishëm të gjithë Italisë dhe pjatat e tyre. Vlerësimi që i është bërë recetës time më përkëdhel shumë dhe më rrit përgjegjësinë para klientëve sepse çdo ditë e më shumë klientët nga mua duan pjata të reja te pa “kopjuara” por pjata autori. Dhe kjo është karakteristika ime që te unë nuk gjen pjata të kopjuara nga askush, por pjata të dala nga zemra ime.

Burimi: opinion.al