Inis Gjoni: Si ia kam shpjeguar vajzës sime vdekjen e të atit

Regjisorja Inis Gjoni, ka qenë e ftuar mëngjesin e sotëm në emisionin Wake Up për të folur rreth shfaqes së saj më të funidt, “Çifti I çuditshëm”. Përveç aspekteve profesionale, Inisi nuk ka refuzuar të flas as për një çështje delikate të jetës së saj siç është vdekja e partnerit, vite më parë, kur vajza e saj Coco Antonel, sapo erdhi në jetë.

Që prej lindjes së saj, Inisi është kujdesur e vetme për të pasi partneri ndërroi jetë në 2011-ën. E pyetur nëse e ka patur të vështirë t’i asë vajzës për mungesën e të atit, Inisi tregon se ka zgjedhur të jetë e vërtetë me të.

“Sigurisht që figura e babait është një shtyllë e rëndësishme në jetën e gjithkujt. Por ajo nuk e ka njohur! Megjithatë unë ia kam shpjeguar shumë thjeshtë, duke i thënë se jeta është e tillë. Disa e kanë lart në qiell, disa janë të ndarë, e disa të tjerë janë por më mirë të mos ishin sepse s’kanë asnjë lloj përgjegjsie.”- tregon ish-prezantuesja.