Pse “të hash më pak” mund të mos funksionojë për dobësim?!

Shumë njerëz mendojnë se mënyra më e shpejtë për të humbur peshë është thjesht të hanë sa më pak. Por ekspertët shpjegojnë se kjo strategji shpesh mund të ketë efekt të kundërt.

Sipas studimeve të fundit, trupi nuk reagon mirë ndaj kufizimeve ekstreme të ushqimit. Kur ushqimi reduktohet shumë, trupi aktivizon mekanizma mbrojtës: ngadalëson metabolizmin dhe rrit ndjenjën e urisë, duke e bërë më të vështirë humbjen e qëndrueshme të peshës. Gjithashtu, dietat shumë të kufizuara shpesh çojnë në lodhje, dëshirë të shtuar për ushqim dhe rikthim të peshës më vonë, sepse është e vështirë të mbahen për një kohë të gjatë.

Ekspertët theksojnë se zgjidhja më e mirë nuk është të hash më pak me çdo kusht, por të hash më “zgjuar”: ushqime të balancuara, me proteina, fibra dhe vlera ushqyese që të mbajnë të ngopur më gjatë.