Temperaturat e larta, OBSH paralajmëron: Europa do të përballet me ‘javë më vdekjeprurëse’

Organizata Botërore e Shëndetësisë, OBSH ka paralajmëruar se Europa mund të përballet me “javë më vdekjeprurëse”, me një tjetër valë të nxehtë intensive që po formohet mbi Atlantik.

Temperaturat në Portugali dhe Spanjën jugore pritet të rriten në 43 gradë Celsius në ditët në vijim. Drejtori Rajonal i OBSH-së për Europën, Hans Kluge zhvilloi një telefonatë emergjente të hënën me përfaqësues nga 41 vende të rajonit, Komisionin Europian dhe grupet e shoqërisë civile për të diskutuar mësimet nga vala e fundit e të nxehtit dhe përgatitjet për atë të radhës.

Kluge tha në një deklaratë se vendet me plane veprimi për shëndetin me nxehtësinë reaguan më shpejt dhe mbrojtën më mirë popullsinë e tyre gjatë valës së të nxehtit të qershorit. Megjithatë, ai tha se më pak se gjysma e shteteve anëtare evropiane të OBSH-së kishin një plan të tillë në vend.

Shfrytëzoheshin seksualisht dhe për punë të detyruar! Shqipëria pjesë e operacionit global të Europolit kundër trafikimit të qenieve njerëzore, 1 mijë arrestime në 59 vende

Ekspertët kanë thënë se vala e të nxehtit e 20-28 qershorit ishte më e rënda e regjistruar në Europë, duke shkaktuar ndërprerje në prodhimin e energjisë, duke dëmtuar infrastrukturën dhe duke mbingarkuar sistemet e kujdesit shëndetësor.

Nxehtësia ekstreme pothuajse me siguri u shkaktua nga ndryshimet klimatike, thanë shkencëtarët. Franca, Holanda dhe Belgjika regjistruan 3,700 vdekje shtesë, me autoritetet që paralajmërojnë se numrat janë paraprakë dhe mund të rriten.

Temperaturat arritën 40 gradë Celsius në disa pjesë të Europës gjatë valës së të nxehtit. Kluge tha se banorët e azileve të kujdesit, personat e pastrehë dhe të moshuarit e izoluar socialisht ende nuk po arriheshin në mënyrë të vazhdueshme në të gjithë Europën.

“Puna tani është në dy fronte: duke rregulluar atë që dështoi në javët e fundit para se të godasë vala e ardhshme e të nxehtit dhe duke ndërtuar llojin e sistemeve shëndetësore që jo vetëm i përgjigjen nxehtësisë ekstreme, por janë të gatshme për të”, tha Kluge