Po të mos e lexonim, s'do e kishim besuar që Amarda Toska sot mbush...

Rrugëtimi i Amarda Toskës në ekran ka nisur shumë herët, që kur ishte pjesë e trupës së baletit të Albi Nakos për të vijuar më pas me prezantimin. Është një sipërmarrëse, mama dhe bashkëshorte e lumtur ndaj ky 40-vjetor nuk mund ta gjente më të realizuar se kaq.

Me siguri numri 40 ju habiti, e dimë, u habitëm edhe ne, ndoshta sepse e kemi parë në televizion prej vitesh e Ami nuk ka ndryshuar thuajse fare nga momenti kur u shfaq në televizion. Sigurisht që dita e sotme është vetëm e saj, por edhe e Ermali i cili i ka bërë edhe urimin e parë. Ai ka ndarë një foto të Amit në Instagram, të cilën e ka shoqëruar me fjalët: “Qofsh e lumtur gjithmonë dashuria ime”.

Por, nuk e ka mbyllur me kaq. Ermali e ka surprizuar gjithashtu pa qindra të ftuarve gjatë trajnimit që po bën. Ami ka ndarë për ndjekësit e saj të buqetës, më saktë pemës me trëndafila që mori sivjet, duke shkruar se Ermali bën për të shumë se normalen.

Amarda Toska ka lindur në Tiranë, më 5 mars 1982, në një familje gjysmë tiranase dhe gjysmë korçare. Arsimin fillor e kreu në shkollën “Jeronim de Rada” në kryeqytet, ndërsa studimet e mesme i ndoqi në Shkollën e Baletit.  Pavarësisht se baleti ishte pasioni i saj më i madh, për të cilin ajo investoi shumë vite, Ami zgjodhi që studimet e larta t’i ndiqte për psikologji.

Në vitin 2001, Amarda bëhet pjesë e trupës së baletit të Albi Nakos, në televizionin Klan. Një vit më vonë u bë pjesë e prezantimit të show-t “Netë vere” në të njëjtin televizion. Megjithatë, eksperienca më e gjatë si prezantuese është viti 2003, kur Ami u bë pjesë e prezantimit të spektaklit të humorit në “Portokalli” për tri sezone. Pasi u largua nga “Portokallia” për një ndryshim në jetën artistike, Ami u bë pjesë e “Dancing with the Stars”, të cilin e ka prezantuar për tri sezone.