Reçel portokalli

Përbërësit:

• 5 kokrra portokalli
• lëng limoni dhe sheqer

Përgatitja: Marrim portokajtë, i lajmë mirë, u presim bishtin dhe i vendosim në një tenxhere me ujë. Nga çasti që marrin valë, i lëmë 5 minuta. I ndërrojmë ujin dhe i vëmë prapë të ziejnë; këtë gjë e përsërisim tri herë. Kur ta kemi përsëritur herën e tretë, i lëmë në ujë të ftohen. I presim në feta mesatare dhe i peshojmë. Sipas peshës së kësaj mase të portokajve do të përdorim edhe sheqerin. (Për shembull, për 3 kg portokaj, duhen 3 kg sheqer). I vendosim në tenxhere, hedhim sheqerin dhe i lëmë të ziejnë në temperaturë të ulët. Reçeli është gati kur sherbeti të jetë trashur.