Sallatë meksikane me fasule të kuqe

• 1 konservë me fasule të zeza (475 g), pasi u është hequr lëngu i konservimit dhe janë shpëlarë me ujë të bollshëm
• 1 konservë me fasule të kuqe (475 g), pasi u është hequr lëngu i konservimit dhe janë shpëlarë me ujë të bollshëm
• 1 konservë fasule të bardha (cannellini) (475 g), pasi u është hequr lëngu i konservimit dhe janë shpëlarë me ujë të bollshëm
• 1 spec i kuq i prerë në kubikë
• 1 spec jeshil i prerë në kubikë
• 300 g misër i ngrirë
• 1 qepë e kuqe e prerë në kubikë
• 120 ml vaj ulliri
• 120 ml uthull vere të kuqe
• 30 ml lëng limoni jeshil (lime)
• 15 ml lëng limoni
• 25 g sheqer
• 20 g kripë
• 1 thelb hudhër e grirë imët 
• 10 g koriandër e freskët ose e tharë 
• 3 g piper i zi 
• 1 g piper “chili” 
• Nëse nuk keni koriandër të freskët, atëherë për zbukurim mund të përdorni dhe majdanozin 

Përgatitja: 

Në një tas të thellë përzihen bashkë fasulet, speci i kuq dhe jeshil, misrat dhe qepa e kuqe.

Në një tas të vogël përzihen bashkë vaji i ullirit, uthulla, lëngu i limonit jeshil, lëngu i limonit, sheqeri, kripa, hudhra, koriandëri, kumini dhe piperi i zi. Në fund, rregullohet me chili. 

Përzierja e tasit të vogël hidhet tek zarzavatet dhe përzihen mirë së bashku. Futet në frigorifer dhe shërbehet e ftohtë.