Torta e me petë ( receta e dikurshme)

Nga Linda Fishta, Fotografia Armand Habazaj

Kjo tortë ishte e preferuara ime dhe dhe e gjithë brezit tim. Në fakt, teksa bisedoja me një miken time që jeton në Amerikë, më kujtoi se e kishte marrë shumë malli për tortën me petë dhe krem. Dhe ja, këtë tortë ia dedikoj mikes sime, Buçit, dhe të gjitha mikeve të revistës Living. Kjo tortë është simbol i pastiçerisë ruse. Ajo u krijua në vitin 1912 për të festuar 100-vjetorin e çlirimit të Moskës nga Napoleon Bonaparti. Përbëhet nga shumë shtresa petësh që
ndahen mes tyre me krem. Me kalimin e kohës, u transformua në pasta të vogla, që shiteshin nëpër pastiçeritë ruse dhe më pas zonjat ruse filluan t’i përgatisin edhe në shtëpi. Nuk e di nëse receta e tortës me petë, me të cilën unë jam rritur, është e njëjta apo nëse është recetë tipike shqiptare apo e huazuar, por mendoj se rëndësi ka që ta përgatisim vetë në familje për festa, për të kënaqur të dashurit tanë. Receta duket e gjatë, por nuk

Përbërësit për tortë me diameter 24 cm për 10-12 persona
Përbërësit për petët:
500 g miell 0
300 g gjalpë i ftohtë nga frigoriferi, i prerë
në kubikë 1 cm
1 vezë
1/2 gotë ujë (125 ml)
1 lugë e madhe uthull e bardhë

Përbërësit për kremin pastiçier:
500 ml qumësht me yndyrë
4 të verdha veze
6 lugë miell
200 g sheqer
1 bustinë vanilje

Kremi me gjalpë:
200 g gjalpë shumë i butë si krem
100 g sheqer
Na duhet gjithashtu:
250 g reçel boronice ose reçel tjetër që të mos jetë shumë i ëmbël

Përgatitja:
1. Gjalpin e ftohtë, të prerë në kubikë bashkë me miellin i hedhim në një tas të madh dhe I përziejmë me majat e gishtave për të krijuar thërrime. Shtojmë vezën dhe i përziejmë akoma.
Përziejmë ujin me uthullën dhe i shtojmë në tas pjesë-pjesë derisa të shohim që kemi një brumë të butë, por që nuk ngjit. Ndajmë brumin në 10 topa të barabartë, që i vëmë në frigorifer të pushojnë për 30 minuta, të mbuluara me plastmasë kuzhine.
3. Ndezim furrën në 220° C dhe fusim në të dhe tavën me letër furre, që të rrijë e ngrohtë deri në momentin kur do të përdoret.

Përgatisim petët:
Marrim nga frigoriferi vetëm një top brumi, e hapim me petës me pak fare miell, në formë të rrumbullakët, me diametër afërsisht 26 cm. E vëmë petën në tavën e ngrohtë sipër letrës, e presim me thikë në formë të rrumbullakët, duke përdorur një pjatë të përmbysur ose fundin e një tave me diametër 24 cm, duke i lënë anësoret e brumit po në letër që të piqen edhe ato. E vëmë në furrë për 4-5 minuta ose derisa të shohim që peta ka marrë ngjyrë të artë. Ndërkohë që peta e parë piqet, hapim menjëherë të dytën dhe kështuvazhdojmë edhe me topat e tjerë të brumit. Si përfundim, kemi: 10 peta dhe anësoret e brumit, të cilat do të thërrmohen. I lëmë mënjanë.

Përgatisim kremin pastiçier:
Në një tas, përziejmë të verdhat e vezëve me gjysmën e sheqerit, shtojmë miellin, i përziejmë dhe I lëmë mënjanë. Ngrohim qumështin me vaniljen dhe, sheqerin që na ka mbetur, kur të fillojë të marrë valë, e hedhim në tasin ku kemi përzierjen me vezët. I përziejmë me rrahësen e vezëve me dorë dhe më pas e hedhim të gjithë masën në tenxhere.
E vëmë në flakë të ulët të marrë valë, duke e përzier vazhdimisht me rrahësen e vezëve me dorë. E heqim nga zjarri sapo të shohim që është trashur dhe e lëmë të ftohet duke e spërkatur sipër me sheqer pluhur dhe një copë të vogël gjalpë ose në të kundërt e mbuloni me plastmasë kuzhine në kontakt direkt me kremin.
Kremi me gjalpë: gjalpin e rrahim me rrahësen elektrike sa të bëhet si krem. Shtojmë sheqerin me lugë, pa ndërprerë
rrahjen e tyre. Kur kremi pastiçier të jetë ftohur plotësisht, e shtojmë kremin me gjalpë me lugë dhe I përziejmë me spatul.

Kompozimi i tortës:
Marrim pjatën e madhe ku do ta prezantojmë, vëmë një petë të pjekur, pak krem, një petë tjetër, krem, e kështu me radhë, por duke pasur kujdes që mbi petën e tretë dhe të parafundit të vëmë një shtresë marmelatë, duke e përfunduar sipër me krem dhe anësoret gjithashtu.
Copat e petave që kishim prerë nga anësoret dhe një petë, i thërrmojmë dhe me to e mbulojmë tortën sipër dhe anash. Tortën e lëmë të pushojë në temperature ambienti për 5-6 orë dhe më pas në frigorifer deri në momentin që do të shërbehet. Mirë është të konsumohet brenda 2 ditësh që petët të jenë akoma krokante.