Po mendoni se ku të shkoni këtë fundjavë? Ky është një ndër destinacionet fantastike

Nuk po dini se ku ta kaloni këtë fundjavë? Korça mund të jetë një ndër destinacionet perfekte. Temperaturat shumë të ulëta kanë bërë që fshatrat turistikë atje si Dardha të mbulohen nga dëbora, duke dhuruar për të gjithë vizitorët një pamje të mrekullueshme. Trashësia e borës në Dardhë dhe fshatrat përreth ka shkuar deri në 7 cm dhe itensiteti ka qenë më i dendur në lartësitë mbi 1200 m.

Gjithmonë ajo që këshillohet për shoferët është kujdesi i shtuar që duhet të tregojnë teksa nisen për aje, por gjithsesi deri më tani nuk raportohen për problematika që mund të bëhen pengesë, pasi është kryer edhe kriposja e rugës. Rrugët janë të hapura për kalimin e mjeteve edhe pa zinxhir.
Edhe për këtë vit Korça është mbuluar me mantelin e shkëlqyer të festave.

Ky qytet merr një tjetër magji për festat e fundvitit, duke u shndërruar në një ndër qytetet e preferuara të shqiptarëve dhe turistëve të huaj, e duke marrë emrin "Parisi" i Shqipërisë.