Nga shkelmimi i parë në bark deri te hapi i parë - zhvillimi psikomotorik i foshnjës

Viti i parë i jetës së një fëmije përfaqëson një nga periudhat më intensive dhe emocionuese të zhvillimit. Vetëm në dymbëdhjetë muaj, nga një i porsalindur plotësisht i varur, foshnja bëhet një eksplorues i vogël që ulet, zvarritet, qëndron në këmbë dhe bën hapat e tij të parë. Çdo fazë sjell sfida të reja - si për fëmijën ashtu edhe për prindërit.

Të kuptuarit e zhvillimit psikomotorik i ndihmon prindërit të dallojnë progresin, të ofrojnë stimulimin e përshtatshëm dhe të ofrojnë siguri dhe rehati për fëmijën në çdo periudhë.

Muaji i parë: Bota përmes reflekseve

Në muajin e parë të jetës, dominojnë reflekset primitive - refleksi i thithjes, kapjes dhe kërkimit të gjirit. Foshnja zakonisht i mban duart e mbyllura, dhe kur shtrihet përmbys, mund ta ngrejë kokën për shumë pak kohë. Ai ndjek fytyrat dhe objektet në lëvizje me shikim.

Në këtë periudhë, stimujt e lehtë janë të rëndësishëm - të folurit, të kënduarit, kontakti me sy. Foshnjave u pëlqejnë zërat qetësues dhe kontrasti i ngjyrave përshtatur me shikimin e tyre ende në zhvillim.

Meqenëse të porsalindurit në këtë moshë janë me pelena pothuajse 24 orë në ditë, është veçanërisht e rëndësishme të zgjidhni madhësinë e duhur të pelenës. Një pelenë shumë e vogël mund të krijojë presion dhe shenja në lëkurë, ndërsa një pelenë shumë e madhe mund të çojë në rrjedhje. Lëkura e një të porsalinduri është jashtëzakonisht e ndjeshme dhe kërkon mbrojtje të besueshme.

Nga muaji i dytë në të tretë: Buzëqeshjet dhe ndërveprimi i parë

Rreth muajit të dytë, shfaqet buzëqeshja e pare - një moment që prindërit e kujtojnë përgjithmonë. Foshnja fillon të ndjekë objektet me sy, kthehet nga vijnë tingujt dhe bën tingujt e parë. Kur është me bark, e mban kokën lart më gjatë dhe fillon të shikojë duart e veta.

Teksa foshnja bëhet më aktive, lëvizjet e këmbëve dhe duarve bëhen më të theksuara, kështu që t’i përshtasësh pelenën e duhur bëhet edhe më e rëndësishme. Pelenat të cilave prindërit mund t'u besojnë, ofrojnë siguri gjatë gjithë ditës dhe natës.

Për shembull, pelenat Pampers Premium Care largojnë shpejt lagështirën nga lëkura e foshnjës, duke siguruar kështu mbrojtje të dyfishtë - mbrojtje të lëkurës dhe mbrojtje nga rrjedhjet. Çelësi është në mbajtëset e dyfishta rreth këmbëve që përshtaten butësisht dhe parandalojnë rrjedhjet aty ku ndodhin më shumë. Një lëkurë e thatë do të thotë rrezik më i ulët acarimi, gjë që është veçanërisht e rëndësishme në muajt e parë të jetës.

Nga muaji i katërt deri te i gjashti: Të kthyerit dhe eksplorimi

Në këtë periudhë, foshnja fillon të kthehet nga me bark, me shpinë dhe anasjelltas. Rreth muajit të gjashtë, ai mund të ulet po të ketë mbështetje, dhe disa foshnje mund të rrijnë ulur në mënyrë të pavarur për një kohë të shkurtër. Duart bëhen mjeti kryesor për eksplorim - çdo gjë që kap, përfundon në gojë. Të qeshurat dhe tingujt me zë të lartë bëhen të përditshme. Meqenëse foshnja tani lëviz shumë më tepër, rreziku i "aksidenteve" rritet, veçanërisht gjatë natës. Pikërisht për këtë arsye është e rëndësishme që pelena të ndjekë lëvizjet e fëmijës dhe në të njëjtën kohë të parandalojë rrjedhjet.

Siguri shtesë ofrohet nga xhepi Stop & Protect në anën e pasme të pelenës Pampers Premium Care, i cili ndihmon në mbajtjen e përmbajtjes brenda pelenës dhe parandalimin e rrjedhjeve në shpinën e foshnjës - një situatë të cilën shumë prindër e konsiderojnë veçanërisht të pakëndshme.

Nga muaji i shtatë në të nëntë: Eksplorues i vogël

Foshnja tani ulet në mënyrë të pavarur dhe shpesh zvarritet. Zhvillon kapjen me duar (kapjen e objekteve të vogla me gishtin e madh dhe gishtin tregues), që është një hap i rëndësishëm në zhvillimin e aftësive motorike të vogla. Ai fillon të tregohet i rezervuar ndaj personave të panjohur dhe kënaqet me lojën “kukafshehurazi", teksa zhvillon konceptin e qëndrueshmërisë së objektit.

Teksa lëvizjet bëhen më të shpeshta, madhësia dhe fleksibiliteti i duhur i pelenës bëhen thelbësore. Nëse vini re rrjedhje të shpeshta, shenja në lëkurë ose vështirësi në lëvizje, mund të jetë koha për të përdorur një pelenë me madhësi tjetër. Një pelenë e zgjedhur mirë, si pelena Pampers Premium Care Pants ose Pampers Pants, e ndjek lëvizjen e fëmijës, pa e ngushtuar dhe pa boshllëqe rreth këmbëve dhe belit.

Nga muaji i dhjetë në të dymbëdhjetë: Hapat e parë drejt pavarësisë

Rreth muajit të dhjetë, fëmija mund të qëndrojë për një kohë të shkurtër pa mbështetje, të bëjë hapat e parë duke u mbajtur në mobilje ose me ndihmën e prindërve. Duart e tij fillojnë të bëhen më të shkathëta - ai vendos objekte në kuti, rregullon forma kubike, imiton të rriturit. Thotë fjalët e para kuptimplota si "mami" dhe "babi".

Deri në muajin e dymbëdhjetë, shumica e fëmijëve fillojnë të ecin dhe fillojnë të marrin pjesë aktivisht në veshjen e rrobave.

Në këtë moshë, fëmija është vazhdimisht në lëvizje, kështu që është e rëndësishme që pelena të ofrojë siguri pa kufizuar lirinë. Mbrojtje e besueshme do të thotë më pak ndryshime, më pak stres dhe netë më të qeta - për foshnjën dhe prindërit.

Dhe së fundmi - nëse vini re devijime të caktuara nga treguesit e zhvillimit të përmendur, është e rëndësishme të dini se çdo fëmijë ka ritmin e tij të zhvillimit. Devijimet nuk nënkuptojnë domosdoshmërisht vonesë ose zhvillime mbi normalen. Është gjithmonë më mirë të konsultoheni me një pediatër nëse keni dyshime.

Viti i parë është një periudhë ndryshimesh të shpejta, periudhë të mësuari dhe përshtatjeje. Me dashuri, inkurajim dhe kujdes të përshtatshëm - duke përfshirë këtu zgjedhjen e duhur të pelenave që mbrojnë lëkurën delikate të foshnjës dhe parandalojnë rrjedhjet - prindërit mund të shijojnë çdo buzëqeshje, lëvizje dhe hap të parë të ri me më shumë siguri dhe më pak shqetësim.