Liqenet e Lurës

Aty ndodhen 14 liqene akullnajore dhe natyrore që ofrojnë një ambient të përshtatshëm për të kaluar pushimet dhe një mjedis shumë piktoresk. Nga liqenet me sipërfaqe më të madhe përmendim : “Liqeni i Madh me 32 hektarë, Liqeni i Pishave me 13 hektarë, Liqenin e zi me 8 hektarë, Liqeni i Luleve, etj”.
Gjatë stinës së dimrit këto ujëra mbulohen nga akulli, malet të ngrenë humorin me freskinë e tyre, të bëjnë më energjikë dhe më të frymëzuar, kalimi nëpër gryka, lëndina me aromë bimësh, nëpër liqenet natyrore dhe brigjet e lumenjve, e bëjnë këtë ambient shumë përrallor. Shumë turistë të huaj dhe shqiptarë e vizitojnë këtë perlë të maleve të Shqipërisë. Maja e Kurorës ndodhet 2121m e lartë dhe ofron një sërë pamjesh të bukura si : malet përtej kufirit Skërteci, Korabi, Sokoli, malet e Hasit, etj; më pas mund të shihen malet e Mirditës dhe Shkodrës, madje arrihet të shihet edhe bregdeti i Durrësit.
Fillimisht arrin të shikosh shkëmbin Guri i Neshtës që ndodhet në mbi 1800m lartësi, më pas, një pas një vijnë liqenet e mrekullueshme të Lurës rradhazi. Këto liqene sipas gojëdhënave të shumta kanë edhe veti kurative specifike. Liqenet kryesisht rrethohen nga lëndinat e gjelbra, nga pisha të larta, nga uji i kristalte dhe i kulluar, nga lulet shumëngjyrëshe me aromën e tyre të mrekullueshme, etj.